Нууцлалын бодлого

Шинэчилсэн: 2026 оны 11-р сарын 6

9 Сар апп (цаашид "9 Сар") нь сарын тэмдэг, жирэмслэлт, хүүхдийн бүртгэл хөтлөх үйлчилгээ юм. Үйлчилгээг Amin Royal One LLC үзүүлдэг. Эрүүл мэндийн мэдээлэл маш хувийн тул бид хамгийн бага мэдээлэл хадгалж, чанд хамгаална.

Бид юу хадгалдаг вэ

• Нэвтрээгүй үед: таны бүх тэмдэглэл зөвхөн таны төхөөрөмжийн хөтөч дотор хадгалагдана. Бид үүнийг харахгүй.
• Нэвтэрсэн үед: и-мэйл хаяг, таны сонгосон горим, мөчлөгийн тохиргоо, төрөх хугацаа эсвэл хүүхдийн нэр, төрсөн өдөр, мөн таны оруулсан тэмдэглэл (сарын тэмдгийн өдөр, шинж тэмдэг, сэтгэл санаа, жин, хөдөлгөөн тоолсон болон агшилтын хугацаа, үзлэгийн цаг, газар, тэмдэглэл, жирэмсний хийх зүйлс ба төрөх цүнхний жагсаалт, хооллолт, нойр, живх, өсөлт, тэмдэглэлийн бичвэр).
• Төлбөр: захиалгын төрөл, дүн, огноо. Картын мэдээллийг Whop, QPay төлбөрийг банк болон QPay боловсруулна. Бид картын дугаар хадгалахгүй.
• Сануулга: асаасан бол мэдэгдэл илгээх техникийн хаяг, цагийн бүс, сануулгын цаг болон дараагийн сарын тэмдэг зэрэг сануулга бодоход хэрэгтэй огноо.

Хэрхэн хамгаалдаг вэ

• Бүх холболт шифрлэгдсэн (HTTPS).
• Мэдээллийн сангийн мөр түвшний хамгаалалтаар (RLS) хэрэглэгч бүр зөвхөн өөрийн мэдээллийг харна.
• Мэдэгдэлд эрүүл мэндийн дэлгэрэнгүй мэдээлэл бичигдэхгүй.

AI туслах

Премиум AI туслахад таны асуулт болон товч мэдээлэл (горим, мөчлөгийн өдөр, жирэмсний долоо хоног, сүүлийн өдрүүдийн шинж тэмдэг, сүүлийн жин, дараагийн үзлэгийн нэр ба өдөр, хүүхдийн нас) хиймэл оюуны үйлчилгээ үзүүлэгч рүү хариулт бэлтгэх зорилгоор илгээгдэнэ. Асуулт, хариултын бичвэрийг бид хадгалдаггүй, зөвхөн өдрийн хязгаар тоолох тоо хадгална. AI туслах нь эмнэлгийн зөвлөгөө биш.

Хуваалцах

Та хамтрагчтайгаа хуваалцах холбоос үүсгэвэл тэр хүн зөвхөн товч мэдээлэл (жишээ нь дараагийн сарын тэмдэг, жирэмсний долоо хоног, хүүхдийн хэмжээ, төрөх хугацаа, дараагийн үзлэгийн нэр ба өдөр, төрөх цүнхний бэлэн байдал) харна. Шинж тэмдэг, жин, тэмдэглэлийн бичвэр харагдахгүй. Холбоосыг хүссэн үедээ зогсоож болно.

iPhone апп

Нүүр дэлгэцийн виджет харуулахын тулд нэвтэрсэн үед зөвхөн товч мэдээлэл (горим, дараагийн сарын тэмдэг ба үр тогтох цонхны таамаглалт огноо, жирэмсний долоо хоног, хүүхдийн нэр) энэ утасны тусгай дугаартай холбогдож хадгалагдана. Гарах эсвэл өгөгдлөө устгахад энэ мэдээлэл устна. Сануулга, үзлэгийн цагийн сануулга утсан дээрээ тохируулагддаг. Үзлэгийн сануулгад таны оруулсан үзлэгийн нэр харагдана. Вэб хувилбар дээр үзлэгээ утасныхаа календарьт файлаар нэмж болно. App Store-оор төлсөн захиалгыг Apple-ийн баталгаажуулсан мэдээллээр шалгадаг, картын мэдээлэл бидэнд ирэхгүй.

Бид юу хийхгүй вэ

• Таны мэдээллийг худалдахгүй.
• Зар сурталчилгаанд ашиглахгүй, зар сурталчилгааны трэкер ашиглахгүй.
• Хуулиар шаардсанаас бусад тохиолдолд гуравдагч этгээдэд өгөхгүй.

Таны эрх

"Би" хэсгээс өгөгдлөө JSON файлаар татах, мөн "Бүх өгөгдлөө устгах" товчоор бүрмөсөн устгах боломжтой. Устгасны дараа манай серверт таны эрүүл мэндийн тэмдэглэл үлдэхгүй. Нягтлан бодох бүртгэлийн шаардлагаар төлбөрийн бүртгэл хүний мэдээлэлгүйгээр хадгалагдаж болно.

Хүүхэд

9 Сар нь насанд хүрэгчдэд зориулагдсан. Хүүхдийн мэдээллийг эцэг эх нь өөрөө оруулна.

Холбоо барих

Асуулт байвал contact@sixsense.mn хаягаар бичээрэй.